चकमकीत 4 महिला माओवादीही मारल्या गेल्या, सर्वांवर 1.36 कोटींचे होते बक्षीस
गडचिरोली ब्युरो : छत्तीसगड-महाराष्ट्र सीमेवर गडचिरोली येथे शनिवारी झालेल्या चकमकीत पोलिसांना मोठे यश मिळाले आहे. या चकमकीत जवानांनी 1.36 कोटींच्या 26 नक्षलवाद्यांचा खात्मा केला असून त्यात 4 महिला माओवाद्यांचाही समावेश होता. या सर्व नक्षलवाद्यांचीही ओळख पटली आहे. ठार झालेल्या 26 नक्षलवाद्यांचे मृतदेह घेऊन जवान रविवारी गडचिरोली मुख्यालयात परतले असून, ऑपरेशन यशस्वी करणाऱ्या पथकाचे सहकारी जवानांनी स्वागत केले.
मारल्या गेलेल्या नक्षलवाद्यांमध्ये मिलिंद तेलतुंबडे उर्फ दीपक उर्फ जीवा याच्यावर 50 लाख रुपयांचे बक्षीस होते. तो नक्षलवाद्यांच्या केंद्रीय समितीचा सदस्य होता. याशिवाय 16 लाख रुपयांचे बक्षीस महेश उर्फ शिवाजी गोटा याचाही समावेश आहे. हा नक्षलवादी छत्तीसगडमधील दंतेवाडा जिल्ह्यातील जगरगुंडा येथील रहिवासी होता.
लोकेश उर्फ मंगू पोदायम कंपनी कमांडर 4 याला ठार करण्यातही जवानांना यश आले आहे. या नक्षलवाद्यावर सरकारने 20 लाखांचे बक्षीस ठेवले होते. अन्य मारल्या गेलेल्या माओवाद्यांवर 4, 6 आणि 8 लाख रुपयांचे बक्षीस जाहीर करण्यात आले होते.
लाखांचे बक्षीस असलेले 7 माओवादी बस्तरचे
गडचिरोलीत चकमकीत जवानांनी 26 नक्षलवादी मारले. त्यापैकी 7 माओवादी बस्तरमधील आहेत. सर्वांवर 46 लाखांचे बक्षीस जाहीर करण्यात आले होते. लोकेशवर सर्वाधिक 20 लाखांचे बक्षीस होते. लच्छू आणि कोसा यांच्यावर प्रत्येकी 4 लाख, किसन उर्फ जयमन आणि सन्नू यांच्यावर 8-8 लाख रुपयांचे बक्षीस होते. चेतनवर दोन लाखांचे बक्षीस होते. यामध्ये एक महिला माओवादी असून, तिचा इतिहास तपासला जात आहे.
29 शस्त्रे केले जप्त
गडचिरोलीचे एसपी अंकित गोयल यांनी सांगितले की, पोलिस आणि नक्षलवाद्यांमध्ये सुमारे 10 तास चकमक चालली. या चकमकीत 3 जवानांनाही गोळी लागली आहे. जखमी तीन जवानांना नागपूरला रेफर करण्यात आले आहे. त्यांचे उपचार सुरूच होते. घटनास्थळावरून जवानांनी 5 एके-47, 9 SLR, 1 इन्सास, 3 थ्री नॉट थ्री, 9 बारा बोरच्या बंदुकांसह 1 पिस्तुल जप्त केले आहे. इतर सामनांसह एकूण 29 शस्त्रेही जप्त करण्यात आली आहेत.
